غير مذنب - دا السر بتاعنا

بادخل حجرتي لوحدي وأمسح دموعي

باستخبي تحت الغطا علشان ماحدش يسمعني

بالف نفسي بالبطانية علشان أحمي نفسي

علشان أبعد الألم

وأصلي لربنا إنه يخليني أعيش في أمان

بأنام في سريري وأحط الغطا على راسي

وأحضن الدبدوب بتاعي وأسيب النور منور

وبعد ما أتأكد إن الكل ناموا

أنام يمكن أحلم أحلام حلوة

وبعدين أسمع صوت رجلين جاية ناحية غرفتي

الخطوات تقف وباب الغرفه يتفتح

أرتعش من الخوف وأعيط

عارفة هو جاي عايز إيه

بس مش عارفة ليه

يقول لي إنه بيحبني

يقوللي إني بنوته الجميلة

ويشد من علي الغطا ، الحماية اللي بتحميني

يقول لي ده السر بتاعنا

اللعبة الخاصة اللي بنلعبها

وماحدش تاني يفهمها ولو عرفوا يحبسوه

فضلت ساكتة وهدومي على الأرض

بحاول ماأفكرش والدموع نازلة على وشي

ودبدوبي نايم جنبي زي ما هو

باسأل نفسي ليه بيجيلي أنا بالليل؟ لما لازم يكون مع ماما بيحضنها هي

ويقول لي مش هيكون علي لوم

لو حد اكتشف لعبتنا

بأشد البطانية تاني

وهو قايم من السرير

ويبوسني علي قورتي

وأشوفه وهو بيلبس

يأكد علي تاني ده سر بيني وبينك

أبص عليه وهو بيقفل باب الغرفة

وأسمع رجليه وهي راجعة غرفته

أحضن دبدوبي وأعيط من سكات

وأقعد في الضلمة

كل مرة بييجي غرفتي جزء مني بيموت

وأصلي إنه مايجيش تاني