غير مذنب - النهاردة هقول كل الحكاية

النهاردة هقول كل الحكاية

النهاردة هاسمح لنفسي أقول كل الحكاية... مش محتاجة أخبي حاجة... ممكن أعبر عن الغضب من غير ما أخاف أجرح حد أو اتجرح من حد.

عيلتي عمرهم ما قالوا لي كل الحكاية، كنت باسمع بس الأجزاء اللي مسموح لي أسمعها. اتعلمت ألملم باقي المعلومات من الحاجات اللي مااتقالتش زي تغيير في نبرة الصوت أو تغيير الموضوع أصلاً.

في الغالب لما كنت باكتشف حاجة كانت بتبقي من الحاجات اللي ماتقالتش.

أهلي بيقولوا انهم كانوا بيحموني، بيدوا أعذار إنه كان علشان مصلحتي .

السرية والكدب بتاعهم خلاني أشعر بالغضب وعدم السيطرة.

النهاردة هامارس التمييز والانفتاح... لما أتكلم مع حد أقدر أثق فيه ممكن أتكلم بشفافية وأعبر عن مشاعري وأحاسيسي بصدق.

لو أنا مع ناس أغراب هأحمي نفسي وأقول بس اللي يخليني في أمان.

النهاردة هقول كل الحكاية

اترك تعليق

تأملات الطفل الداخلي