كتير نقول لأولادنا يبوسوا حد بالعافية (ما تتكسفش) أو احضني عمو. لو الطفل مش عايز يحضن أو يبوس حد مش لازم نضغط عليه.
شجع أولادك يقولوا لك كل حاجة وأي حاجة في الدنيا وانت اتعلم تسمع حتى لو حسيت إنها حاجات هايفة لأن دا بيولد ثقة بينك وبين أولادك.
المنطقة دي المتحرش شاطر فيها جداً إنه يسمع للأولاد والبنات اللي أهاليهم مش فاضيين لهم فيكسب ثقتهم كجزء من الإغواء.
في أمان في الأعداد، يعني كل ما بقى أولادك مع أولاد تانية بيبقى احتمال التحرش أقل. Safety in numbers
لو ابنك أو بنتك تاهوا وعايزين يسألوا حد، أحسن حد يسألوه هو أم مع أولادها (ولو ان حتى دول مش كلهم أمان).
علمي أولادك أساليب للدفاع عن النفس.
محتاجين نكرر كلمات زي :
عمر ما حد كبير تايه يسأل طفل، عمر ما حد كبير يسأل طفل عن كلب ضايع، ماما عمرها أبداً ما هتبعت حد تاني ياخدك من المدرسة إلا لما تقولك وتقول للمدرسة، حتى لو كان حد تعرفه قبل كدا. لازم دايماً يقولوا "لأ"، ماما عمرها ما هتبعت وانتي راجعة من المدرسة يمشي معاكي وياخدك البيت، حتى لو حد تعرفية قولي لأ.
نرجوا من الله أن نكون أفدناكم اليوم ونكمل باقي الاحتياطات في مقالنا الاسبوع القادم...