غير مذنب - من حقي

من حقي

لأ شكرا مش هقدر أعمل كدة. كلمات بسيطة لكنها ساعات صعب الواحد ينطقها.

الطفل اللى عندة سنتين بيقول لأ عشان يختبر الحدود ويعرف هو حدوده أيه؟
لكن فبيت مضطرب مفيش حدود، مفيش رقابة توُري الطفل حدوده فين وهو بيحاول يكتشف العالم.

وأنا بكبر اتعلمت ان العالم خطير، غير أمن ومالوش أمان.

النهارده هقول "لأ" لما حد يحاول يتعدى الحدود اللى أنا حطاها لنفسى.

أقول "لأ" لو حد قالي أعمل حاجة ضد مبادئى، ضد مشاعرى، ضد رغباتي.

ممكن أقول "لأ" لما أبقى تعبانة.

ممكن أقول "لأ" لو في حاجة مش عجباني.

من حقي إني أحط حدود لنفسي ومش من حق أي حد أنه يتعداها بدون إذني.

من حقي

اترك تعليق

تأملات الطفل الداخلي